রিমিঝিমি বৈস্সন বস্সে ব্যাল হ্যান পাতর।
আর কোনটে না পড়িল দোকানের উপর॥
ধুমধাম করিয়া ঝড়ি পাতর বস্সিতে নাগিল।
সব দোকানি পাতরের কোপেতে রাজার কমর দিলে ছাড়িয়া।১১৫০
কালাইবেচি কমর ধরছে মরিম বলিয়া॥
গোয়ালিনী বলে গুরু করি নিবেদন।
সুন্দর রুপ দেখি রাজাক ভাতর উপর।
এও নাকি খাবার পারে গোয়াল লোকর ঘর॥
কাড়িয়া ভরিয়া টাকা দেও ঝোলা ভরিয়া নেও।
আমার মহল ছাড়িয়া অন্য মহল যাও॥
মহারাজাক লইলে তবে হস্তত ধরিয়া।
দোকানর গলি বেড়ায় হাঁটিয়া॥
বান্দা নেও বান্দা নেও চিড়া বেচি মাই।
যেন মতে চিড়া বেচি রাজাক দেখিল।
চিড়ার দোকান খান পাকেয়া ফেলিল॥
রাজার কমর ধল্যে মরোঁ বলিয়া।
অনেক করিয়া নিল ছোড়াইয়া॥
বান্দা নেও বান্দা নেও হলদি বেচি মাই।
বান্দা নেও বান্দা নেও সাক বেচি মাই॥
বান্দা নেও বান্দা নেও আড়ই বেচি মাই।
বান্দা নেও বান্দা নেও কালাই বেচি মাই॥
যেন মতে কালাই বেচি রাজাক দেখিল।
ঘরর স্যামিক আইল বাপ দায় দিয়া॥
যেত দোকান সব ফেলাইল পাকেয়া।
রাজার কমর ধরিল মরিনু বলিয়া॥
চিড়াবেচি উঠিয়া বলে কালাবেচি হুত্তিয়া তুই।
ছাড়িয়া দে রাজার কমর আরো ধরনু মুই॥
রাজার কমর ধরিয়া টানিবার লাগিল।
অকারন করিয়া রাজা কান্দিবার লাগিল॥
