দেব্যুবাচ। কথিতাশ্চান্নপূর্ণায়া যা যা বিদ্যাঃ সুদুর্ল্লভাঃ। কৃপয়া কথিতাঃ সর্ব্বাঃ শ্রুতাশ্চাধিগতা ময়া॥ সাম্প্রতং শ্রোতুমিচ্ছামি কবচং যৎ পুরোদিতং। ত্রৈলোক্যরক্ষণং নাম কবচং মন্ত্রবিগ্রহম্। ঈশ্বর উবাচ। শৃণু পার্ব্বতি বক্ষামি সাবধানবধারয়। ত্রৈলোক্যরক্ষণং নাম কবচং ব্রহ্মরূপকং॥ ব্রহ্মবিদ্যাস্বরূপঞ্চ মহদৈশ্বর্য্যদায়কম্। পঠনাদ্ধারণান্মর্ত্ত্যস্ত্রৈলোক্যৈশ্বর্য্যভাগ্ভবেৎ॥ ত্রৈলোক্যরক্ষণস্যাস্য কবচস্য ঋষিঃ শিবঃ। ছন্দো বিরাড়ন্নপূর্ণা দেবতা সর্ব্বসিদ্ধিদা॥ ধর্ম্মার্থকামমোক্ষেষু বিনিয়োগঃ প্রকীর্ত্তিতঃ। হ্ৰীং নমো ভগবত্যন্তে মাহেশ্বরি পদং ততঃ॥ অন্নপূর্ণে ততঃ স্বাহা চৈবা সপ্তাদশাক্ষরী। পাতু মামন্নপূর্ণা সা যা খ্যা্তা ভুবনত্রয়ে॥ বিমায়া প্রণবাদৈষা তথা সপ্তদশাক্ষরী। পাত্বন্নপূর্ণা সর্ব্বাঙ্গং রত্নকুম্ভান্নপাত্রদা॥ শ্রীবীজাদ্যা তথা চৈষা দ্বিরন্ধ্রার্ণা তথা মুখম্। প্রণবাদ্যা ভ্রুবৌ পাতু কণ্ঠং বাগ্বীজপূর্ব্বিকা॥ কামবীজাদিকা চৈষা হৃদয়ন্তু মহেশ্বরী। তারঃ শ্রীং হ্ৰীং নমোঽন্তে চ ভগবতি পদং ততঃ॥ মাহেশ্বরি পদঞ্চান্নপূর্ণে স্বার্হোত পাতু মে। নাভিমেকোনবিংশার্ণা পায়ান্মাহেশ্বরী সদা॥ তারো মায়া রমা কামঃ ষোড়শার্ণা ততঃ পরম্। শিরঃস্থা সর্ব্বদা পাতু বিংশত্যর্ণাত্মিকা চ যা॥ করৌ পাদৌ সদা পাতু রমা কামো ধ্রুবস্তথা। ধ্বজঞ্চ সর্ব্বদা পাতু বিংশত্যর্ণাত্মিকা চ যা... অন্নপূর্ণা মহাবিদ্যা হ্ৰীং পাতু ভুবনেশ্বরী। শিরঃ শ্রীং হ্ৰীং তথা ক্লীঞ্চ ত্রিপুটা পাতু মে গুদম্॥ ষড়্দীর্ঘভাজা বীজেন ষড়ঙ্গানি পুনন্তু মা্ম্। ইন্দ্রো মাং পাতু পূর্ব্বে চ বহ্নিকোণেঽনলোহবতু॥ যমো মাং দক্ষিণে পাতু নৈঋর্তণং নিঋর্তিশ্চ মা্ম্। পশ্চিমে বরুণঃ পাতু বায়ব্যাং পবনোঽবতু॥ কুবেরশ্চোত্তরে পাতু মামৈশান্যাং শিবোঽবতু। উর্দ্ধাধঃ সততং পাতু ব্রহ্মানন্তো যথাক্রমাৎ॥ বজ্রাদ্যাশ্চাযুদ্ধাঃ পান্তু দশদিক্ষু যথাক্রমাৎ। ইতি তে কথিতং পুণ্যং ত্রৈলোক্যরক্ষণং পরম্॥ যদ্ধৃত্বা পঠনাদ্দেবাঃ সর্ব্বৈশ্বর্য্যমবাপ্নুয়ুঃ। ব্রহ্মা বিষ্ণুশ্চ রুদ্রশ্চ পঠনাদ্ধারণাদ্যতঃ॥ সৃজত্যবতি হন্ত্যেব কল্পে কল্পে পৃথকৃ পৃথক্। পুষ্পাঞ্জল্যষ্টকং দেব্যৈ মুলেনৈব পঠেত্ততঃ॥ যুগাযুতকৃতায়াস্তু পুজায়াঃ ফলমাপ্নুয়াৎ। প্রীতিমন্যোন্যতঃ কৃত্বা কমলা নিশ্চলা গৃহে॥ বাণী বক্ত্রে বসেত্তস্য সত্যং সত্যং ন সংশয়। অষ্টোত্তরশতঞ্চাস্য পুরশ্চর্য্যাবিধিঃ স্মৃতঃ॥ ভূর্জ্জে বিলিখ্য গুলিকাং স্বর্ণস্থাং ধারয়েদ্যদি। কণ্ঠে বা দক্ষিণে বাহৌ সোঽপি সর্ব্বতপোময়ঃ॥ ব্রহ্মাস্ত্রাদীনি শস্ত্রাণি তদ্গাত্রং প্রাপ্য পার্ব্বতি। মাল্যানি কুসুমান্যেব ভবন্ত্যেব ন সংশয়ঃ॥
ইতি ভৈরবতন্ত্রে ভৈরবভৈরবীসংবাদে অন্নপূর্ণাকবচং সমাপ্তম্।
