অত্যন্তকটুধূমেন চক্ষুষি দাহ[ং] করোতি। যয়া রোগপীড়া ভবিষ্যতি। তর্হি কথং। তেষা[ং] তত্ত্বমাহ। পরমব্রহ্মমিতি। তচ্চ নানাপ্রকারং বদন্তি। ব্রহ্মজ্ঞানমিত্যাদি। তত্র পরমব্রহ্মমিতি। যাজ্ঞিকবচনহোমেন ব্রহ্মত্ব[ং] যান্তি। তচ্চ স্বর্গকামোপভোগফল[ং] তেষামভিলষিতঞ্চ। তয়া শ্বেতচ্ছাগনিপাতনয়া নরকাদিদুঃখমনুভবন্তি। সন্ধ্যাভাষমজানানত্বা[ৎ] চ। তস্মাদ্ব্রহ্ম ব্রহ্মহত্যা[১]বেত্যাপাদি।
সর্ব্ব[ং] ব্র[হ্ম]মিতি বচনাৎ। এবং ব্রহ্মজ্ঞানমিতি। তদপি ন সিধ্যতি। কুতো যচ্চ(চ)তুর্থ বেদার্থর্ব্বণেন চ তেষাং যোগাচারদর্শন[ং] স ন বেতি। বেদত্রয়েষু পাঠমাত্রমপি ন সিদ্ধং। তদা সত্যবিচ্ছিন্নং মৃষৈ(ষে)[ব] বচনং। অথ তত্রোক্তং সর্ব্বং নাস্তি ব্রহ্মজ্ঞানং। তদা বেদত্রয়স্য প্রামাণ্যং নাস্তি তয়া নিষেধাৎ। চতুর্থস্যাথর্ব্বণস্য স নাস্তি, অন্যোঽন্যবিরোধাৎ। তস্মাদ্ধিনাগমেষু কথং ব্রহ্মজ্ঞানং সিধ্যতি। অসিদ্ধমেবেতি। অথবা যদ্যনুভবং ভবতি। তদাত্যন্তমৃষাবচন[ং]। কুতঃ? যৎ সর্ব্বং শূ(সু)ন্যমিতি। বস্তুন উপলব্ধির্নাস্তি কুতস্তজ্জ্ঞানং ভবতি।
অনুভবঞ্চ সাকারত্বেনোপলব্ধিস্তদাজ্ঞানমেবেষ্যতে সর্ব্ববস্তুনো অনুপলম্ভাদিতি। বস্তু চ লোককল্পিতমজ্ঞানস্বভাবং। ন পুনঃ পরমার্থঃ স্যাদিতি।[২] [৩]পরমার্থশ্চাস্ম[৩]দ্দর্শনে সদ্গুরোর্মুখাৎ লভ্যত ইতি।
এবং ব্রাহ্মণস্য পুনরপি চত্বরে বেদাঃ। ব্রহ্মচারী। বানস্পত্য। গার্হপত্য। যদিশ্চ[৪]। তদপ্য(স্ম)সঙ্গতং। কুতঃ যতো বালত্বে নাস্তি নিশ্চয়ঃ। রক্ষণভক্ষণাদিভাবেষু। তথা ব্রহ্মচারিত্বং। সর্ব্বদর্শনানাং দৃঢ়-প্রতিব[ন্ধঃ] ক্রিয়তে। আজীব[ং] যাবৎ। ন তেষা[ং] নিশ্চয়ঃ ন পুনরপি বিবাহাদিনা গার্হপত্যত্বমাশ্রয়ন্তি, তত্রাপি চ ন নিশ্চয়ঃ। বানস্পত্যত্বমাশ্রয়ন্তি ধ্যানমন্ত্রজাপাদিকারণেন। তত্র চ ন নিশ্চয়ঃ। যদি যদিত্ব[৪]মভিলষতি সর্ব্বযজ্ঞোপবীতাদিনাধারণাৎ ভক্ষণাৎ নাস্তি ব্রাহ্মণ-চণ্ডালয়োর্ভেদঃ। এ(প্র)তাবতা(তো) চাণ্ডালত্বমেবেতি সত্যং। কুতো যতঃ ব্রাহ্মণী চৌরচণ্ডা[লা]দিনা ভ্রংশং করোতি। তদা ব্রাহ্মণো বেদমালোচয়তি[৫]। তেন তস্যা ব্রাহ্মণ্যাঃ ঘৃতযোনিকরণাৎ সুদ্ধিঃ স্যাদিতি। তস্মাৎ সর্ব্বং চণ্ডালকর্ম্মৈষেতি। পুনরপি যত্নেনাপি ত্রয়ঃ প্রভেদাঃ।
দণ্ডি ইত্যাদি।
এক(ব)দণ্ডি ত্রিদণ্ডি ভঅবঁ বেশেঁ বিণুআ হোইঅ হন্স উবেসঁ মিতি।
একদণ্ডিত্রিদণ্ডি(া) ভগববেশং(সং) ভবতি। এব[ং] বেসেন বিহরতি। পুনরপ্যেতদ্ব্রতং ত্যাজ[্য]ং করোতি। অন্যমাশ্রয়ন্তি। এতদেবাহ।
