চক্ষুর্নিমেষোন্মেষাভ্যাং কৃতমাসন[ং] পদ্মাসনং পর্য্যঙ্কনিবন্ধনং কৃত্বা তদনু। [৪]
কণ্ণেহি খুসখুসাই জনবন্ধী।
এবং পূর্ব্বোক্তং অইরিকস্য লক্ষণং দৃষ্ট্বা ধন্ধজনানাং হেয়োপাদেয়মজানতাঞ্চ কর্ণাভ্যাং খুসখুসায়তি। অন্যোঽন্যমালোচয়ন্তি।
ইদং বিশিষ্টমার্গং তত্রাহ[ং] লগ্নোঽস্মি শৃণুত জনাঃ।
রণ্ডী মুণ্ডী অণ্য বিবেসেঁ ইতি।
রণ্ডী স্বামিরহিতা। মুণ্ডী মাসিকোপবাসীতি যা। অন্যাঃ পুনঃ নানাবেশধারিণ্যো ব্রতিন্যস্তাস্তস্য মার্গে সম্মগ্না ইতি। এবংবিশিষ্টস্য গুরোরিত্যত আহ। সর্ব্বমীশ্বরময়[মি]তি চেৎ। তন্ন ভবতি। কথং ন ভবতীত্যাহ প্রমাণাগমাভ্যা[ং] যুক্ত্যা চ। তর্হি ইহ সংক্ষেপত উচ্যতে, ইহ হি সর্ব্বং নাম ন কিঞ্চিদ্বস্তু স্ফুরতি। কথং তৎ যস্মাৎ পৃথিব্যাদিধাতবঃ সর্ব্বে পিণ্ডপরমাণবো রূপকাশ্চ পরমাণবশ্চ ষড়্ভাগভেদেনোপলভ্যন্তে। তদা চ বস্তু ন বস্তু। কথমীশ্বর ইষ্যতে সিদ্ধত্বাচ্চ। ব্যাপকাভাবে ব্যাপ্যস্যোপলব্ধির্নাস্তি। অথবা কর্ত্তৃত্বং বদন্তি ইতি চেৎ তদা উচ্যতে, তন্ন, কথং ক্রমেণ যুগপদ্ধাননিত্যোঽর্থঃ ক্রিয়তে।
তস্মাৎ নাস্ত্যেব তস্য তর্হি বস্তু অধ্যাত্ম্যকল্পিত[ং] বা। এতদেবাহ। শক্তশ্চেৎ কিন্দে(দে)শকালাদ্যপেক্ষ্যেত। তস্মাৎ যুগপন্ন স্যাৎ। কিং তৎ সৃজেৎ। অসৌ অপেক্ষতশ্চান্যবস্তূন্ ন নিত্যো নাপি শক্তির্ভ(ভ)বতি। ভাববস্তু নিত্যো নাস্তি। কুতঃ। ভাবঃ ক্ষণিকঃ সর্ব্বকালতঃ অন্যচ্চ বিষয়বিষয়িভ্যাং নেষ্যতে। কুতঃ। যতশ্চক্ষুর্ভ্যাং রূপাদির্দৃশ্যতে। ভ্রান্তিমাত্রতঃ। বিচারেণাপি যৎ ঘটপটাদিষু ন দৃশ্যতে। তৎ পূর্ব্বাভা[বা]ৎ কথং পরমাণ্বাদি উক্তলক্ষণতয়া বিষয়ীভ[৪ক]বতি। যথা স্কন্ধাদীনা[ং] লক্ষণং ন পিণ্ডপরমাণুবাহ্যকং ইতি। অথ যদি নীলপীতাভ্যাং ভাসস্য খ্যাতি[ঃ] তদপি ন ভবতি। প্রত্যক্ষবিরোধেন নাত্মনস্তস্য সত্তা নাস্তি। তৎ কথং চক্ষুর্বিজ্ঞানাদিষু গ্রাহ্যগ্রাহকভাবেন প্রবৃত্তিঃ। সতি ভ্রান্তিমাত্রমেবেতি বালজনৈঃ কল্পিতমিদং শ্বেতমিদং পীতমিতি।
পুনরেবাহ,
অধীতমপি নাভ্যস্তং গচ্ছত্যধ্যয়ন[ং] পুনঃ।
তস্য কিন্নাম যবধারাবাহিনী বিজ্ঞপ্তির্ন ভবতি। তদা কথং ন বিস্মর্য্যতে। অন্যচ্চ বৈষম্য(স্ম) শেলজাতানামপি মহোদধের্নামাত্যন্তং তথা সূক্ষ্মানা[ং] পরিমাণানাং কো বা কুর্য্যাৎ তদকর্ম্মকঃ। করোতি বা বলসাহিত্বাদিতি চেৎ। স এবোন্মত্তো ভবতি। নাশকালে শ্রমমাত্মনঃ, কথং নাশয়েদিতি। অথবাশক্তমেব ক্রিয়তে। অয়স্কান্তোপলাদীনাঞ্চ বস্ত্রাদ্যাকর্ষ(র্ম্ম)ণ[ং] প্রতি ন সিধ্যতি। তৎ পুনর্বিজ্ঞানাগমে নিষিদ্ধঃ। কায়ানুস্মৃত্যুপস্থানাদ্যস্থানত্বাৎ কায়ং পুনঃ কুৎসিতপঞ্জরং বিচারাদবস্তু। এতদাহ।
