চতুর্ধাতবশ্চ। এবং ষড়্জীবনিকায়াস্তু। এতৎ সর্ব্বং ন ভবতি। কুতঃ। যতঃ সর্ব্বে জড়ধাতবঃ। তেষাং কুতো জীবমুপলভ্যতে। ন লভ্যতে ইতি যাবৎ।
অথ পুরুষায়ত্তং জীবং। তৎ পূর্ব্বং ঈশ্বরনিরাকরণে নিরস্তং। এতদুক্তেন কি[ং] স্যাৎ। সর্ব্বমেবানিত্যরূপং স্যাৎ। কথ[ং] তর্হি সমুৎপন্নত্বং। প্রতীত্যসমুৎপাদশ্চ ভ্রান্তিরূপং। লোকস্য স্থিরত্বাভাবাৎ।
ইহলোকং বিহায় স্বর্গাদিগমন[ং] করোতি। বৌধানামিতি। তাদৃশমিহ জন্মনি সত্ত্বার্থং কৃত্বা তদা স্কন্ধপরিণামেন অন্যলোকং গত্বা সত্ত্বার্থং নিষ্পাদ্য পুনরপি তৎপরিত্যাগাৎ স্কন্ধাদিগ্রহণং কুর্ব্বন্তি ইতি। সর্ব্বকালতঃ। অলাতচক্রবৎ। কিন্তু তেষাং নিত্যরূপং মোক্ষং তন্ন ভবতি। কুতঃ। যতস্তেষা[ং] বচনং ত্রৈধাতুধাতুকস্যোপরি ছত্রাকারং মোক্ষং তচ্চ ষড়শীতিসহস্রযোজনানাং প্রমাণং। এতদেব ন সিধ্যতি যতঃ ত্রৈধাতুকস্য বিনাশোঽস্তি ছত্রং কুত্র স্থানে তিষ্ঠতি। তস্মাৎ মোক্ষনিত্যভূয়ং ন ভবতি। অনিত্যমেবেতি স্যাৎ। ইতি সংক্ষেপতঃ। বিস্তরেণান্যত্র অবসেয়ং॥ ৹॥
ইদানীং শ্রমণানামুচ্যতে।
তত্র বেলু ইত্যাদি নউ পরমচ্ছ এক তে ষাহিউ ইতি পর্য্যন্তে।
বেল্লূ ভিক্খ জে থবির উএসেঁ।
বন্দেহিঅ যজ্জই উএসেঁ।
বেল্ল[ঃ] দশশিষ্য[ঃ] যদা ভিক্ষুঃ কোটি শিষ্যা যদা স্থবিরো যো দশবর্ষোপসয়নঃ। তে সর্ব্বে কাষায়ধরবত্তারূপমাত্রম্প্রব্রজ্যাং গৃহ্ণন্তি। তেন(নো) দেশনভিক্ষণশীলক্ষমা[ঃ]। চরন্তি। ন তথতত্ত্বমাজানন্তি। শঠকপটরূ[৬ক]পেণ সত্ত্বান্ বিহেঠয়ন্তি। যদুক্তং ভগবতা পশ্চিমে কালে পশ্চিমে সময়ে ময়ি পরিনিবৃতে পঞ্চকষায়কালে চ। যে ভিক্ষবো মম শাসনে ভবিষ্যন্তি তে সর্ব্বে শঠকপটরতা ভবিষ্যন্তি তথা গৃহারম্ভে সতি কৃষিবাণিজ্যরতাঃ সর্ব্বপাপকর্ম্মাণি করিষ্যন্তি। শাসনবিড়ম্বকাঃ যে পূর্ব্বে মারকায়িকাঃ তে সর্ব্বে শ্রমণরূপেণাবতরিষ্যন্তি। তত্র মধ্যে সংঘস্থবিরাস্তে সাঙ্ঘিকোপভোগ[ং] হরিষ্যন্তি ইত্যাদি বিস্তরঃ।
ন তেষাং বোধিস্তৎকথং। যে শ্রাবকযানমাশ্রিতাস্তেষামুক্তালক্ষণেন ভঙ্গঃ। ভঙ্গাৎ পুনর্নরকং যান্তি। অথ শিক্ষারক্ষণমাত্রেণ বিনয়োক্তলক্ষণায়াঃ স্বর্গোপভোগমাত্রং ভবতি। ন পুনর্বোধিরুত্তমা। কুতঃ যতঃ স্থবিরার্য্যানন্দঃ পরিনিবৃতস্তদা তেন ন কস্যচিৎ সমর্পিতঃ শ্রাবকে বোধিরুপদেশঃ স্যাৎ।
অথ মহাযানমাশ্রয়ন্তি। তত্রাপি নিশ্চয়ং ন ভবতি। কুতঃ যতঃ পূর্ব্বমারকায়িকত্বাৎ। যদি বা সুস্থিতং তদপ্যনিশ্চিতং এতদেবাহ—
