ণিঅমণ সবে সোহিঅ জবেঁ ইতি।
এব[ং] অমনঃসর্ব্বধর্ম্মাঃ স্বভাবোৎপন্না, নোৎপাদিতাঃ কেনচিত্তু। যথা তৃণবনগুল্মাদয়ঃ স্বভাবেনোৎপন্না বিলয়ং যান্তি হি; তদ্বদিহ দ্বিপদচতুষ্পদাদয়ঃ[১৩] স্বভাবেনোৎপন্না নির্ম্মলবিলয়ং যান্তি হি, ন কেনচিদুৎপাদিতা ভবন্তি। তৎ কথং দৃশ্যতে উৎপাদাদি, ময়া কৃতা রূপাদয়ঃ ভ্রান্ত্যাঽজ্ঞানিনাং বচনমেতৎ। তৎপরিত্যাগাৎ যস্মিন্ ক্ষণে তস্মিন্নেব ক্ষণে সর্ব্বধর্ম্মশোধনং, তন্ময়ত্বাচ্চ ভক্ষিতং ভবতি।
গুরুগুণ হি(দি)য়এ পইসই তবেমিতি।
গুরুণা দত্তোপদেশগুণশ্চ হৃ[দ]য়ে প্রবিষ্টং তত্র শোধনভক্ষাদিকালেষু কায়াদি সর্ব্ব[ং] দদ[া]তীতি প্রত্যয়াৎ। ন পুনর্গুরূপদেশং বিবদন্তি ন কিঞ্চিৎ দদ[া]তি গ্রহরূপত্বাৎ ন বেত্তীতি ভাবঃ।
এবমমণে মুণি সরহেঁ গাহিউ ইতি।
ঈদৃশং মনসা লক্ষিত[ং]মনলক্ষিতং। এবমনেন মুনির্ভগবান্ পরমার্থরূপকসরোরুহবজ্রপাদেনোক্তং ধর্ম্মধাতুলক্ষণ[ং] ন পুনঃ শশবিষাণবৎ ন কিঞ্চিদমনঃ। তথাচোক্তং—
সাবস্থা কাপ্যবিজ্ঞেয়া মাদৃশা শূন্যতোচ্যতে।
ন পুনর্লৌকিকাদেব (লোকরূদেব) নাস্তিক্যার্থানুপাতিনী॥
নাস্তি [স্ব]রূপমেবাস্য ব্যবহারার্থমস্তিনা।
নিঃস্বভাবেষু ধর্ম্মেষু কস্য চাস্তিত্বমাস্তিতা॥
ন স্মর্ত্তব্যং ত্বয়েত্যুক্তে স্মরত্যেব নিপেষিতং।
যথা তথৈবাসচ্ছব্দাৎ সোত্তর[ং] (সাত্তর) প্রতিপদ্যতীতি বিস্তরঃ॥
অথবা যদি বদন্ত্যভ্যাসাৎ। ক্লেশাবৃতমনোবিরোধেন বিশিষ্টং মনো বুদ্ধত্বরূপ[ং] জায়তে। তদা কথমনেনোক্তেন কিঞ্চিৎ স্যাৎ। সিদ্ধং পরমার্থং মম সর্ব্বেষু তদাশৃতা চেতি। তন্ন ভবতি কথং তদিত্যাহ।
তন্ত মন্ত ণউ এক্ক বি চাহিউ ইতি।
তন্ত্রঃ বহুপ্রকারঃ তন্ত্রোক্তা মন্ত্রাস্তেষু[১৩ক] সিদ্ধান্ত[ং] নানা স্বপরকল্পিতং। ময়া একমাত্রং ন প্রেক্ষিতং ভাব্যভাবকাদিলক্ষণং। কুতস্তৈ[র্]লোকানা[ং] বৈনেয়মাত্রং [ন] পুনর্বিশিষ্টফলং ততো জায়তে। তথাচোক্তম্।
(?)আস্থিম[া]ভ্যাসযোগেন আদিশুদ্ধা স্বভাবিকা।
প্রকৃত্যৈব হি সা সিদ্ধা তথতা ন বিকল্পজা॥
অভাবলক্ষণাদ্বোধিঃ(দ্ধোবিঃ) সর্ব্বধর্ম্মাশ্চ তন্ময়াঃ।
অ[ত]স্তৎ প্রার্থয়েচ্চর্য্যাং নিজস্কন্ধপ্লবোপমাং॥ ইতি
