অশরীরং সত্ত্বে সাক্ষাদস্তমিতং ভবতি লুক্কো স যেন জ্ঞানং সো তস্মি[ন্] মুক্কো ভবতি। কুতঃ যতঃ প্রত্যাত্মবেদকো লোকঃ। বেদ্যঞ্চাদাবেব নোৎপন্নমসরীরত্বাৎ। নিরাকারং জ্ঞানমেতৎ। তস্য সংজ্ঞা সুখপ্রবৃত্তিঃ। তদমৃতং সহজমিতি। পুরুষপুদ্গলানাং সহজাৎ পূর্ব্বোৎপাদবিনাশকালে তত্রৈব লীনঃ সুখস্য স্থিতির্নাস্তি অস্থানত্বাৎ। তস্মাৎ পূর্ব্বভাবং নিরাকারং জ্ঞানং তস্যৈব ধর্ম্মধাতুরিতি আদিসংজ্ঞা। এবং যো জানাতি গুরূপদেশাৎ, স ইহৈব জন্মনি অনেনৈব শরীরেণ মুক্তো ভবতি নান্যথেতি। অনেনোক্তে সতি গ্রন্থকারস্য তৎপরিণামনয়া স্বপরবস্তু ন পশ্যতি তেনেদমুদী[র]য়ন্নাহ।
সিদ্ধিরত্থু মই পঢ়মে পঢ়িঅউ।
মণ্ড পিবত্তেঁ বিশমই॥
অক্ষরমেক এত্থ মই জাণউ।
তাহর ণাম ণ জাণমি এসহি॥ ইতি।
যথা বালত্বে ত্বা(ত্যা)দাবেবাক্ষর[২৭]শিক্ষণায়োপাধ্যায়স্যাগ্রে ফলকেষু সিদ্ধিরস্ত্বিত্যাদিনা যাবৎ সূত্রধাতুব্যাকরণপর্য্যন্তং তর্কমীমাংসাদি সর্ব্বং পঠিতং তদা সর্ব্বাক্ষরেষু ন কিঞ্চিৎ ফলং দৃষ্টমজ্ঞানত্বাৎ। পুনরপি স্বকল্যাণমিত্রাধারণায়াং সত্যা[ং]পরিজ্ঞানেন বিচারিতয়ঃ প্রথমং বাক্যং সিদ্ধিরস্ত্বীতি স সত্যং তৎপর[ং] ময়া পঠিতমন্যাক্ষরমসারং। যথা ভক্তরন্ধনায়াং সারং গৃহীতমণ্ড[ংর]সময়ী পীত্বা শেষমসারমণ্ডমেব সারং তং পীত্বা অন্যৎ বিস্মৃতং গৃহীতসিদ্ধিরস্ত্বিতি। এতদেবাক্ষরমেকং পূর্ব্বোক্তজ্ঞানমিহ ময়া জ্ঞাতং। তস্মিন্ অন্যমন্যন্নাম ন জানামি কীদৃশমিতি অবাচ্যত্বাৎ। যথা বালত্বে নার্থম্বেত্তি সিদ্ধিরস্তু চ তথাপ্যসৌ প্রৌঢ়ত্বেঽপি চ। নাস্তি নামবর্ণাদি খ্যাতি[ঃ]। অন্যে রক্তধিয়ো ন জানন্তি তেষাং আহ॥
রূঅণে সঅল বি জো ণউ গাহই।
কুদুরু-ক্ষণই মহাসুহ সাহই॥ ইতি।
সহজরূপণেন সকল ত্রিভুবনং পতিতং ন গ্রাহিতং স্বয়ংভূজ্ঞানাকারেণ চ অবাচ্যন[া]মেব বা। তদা পুনরপি স্বয়ং নষ্টা পরানপি বন্ধায়ন্তি। কিং তৎ কুন্দুরুক্ষণেষু মহাসুখং সাধয়ন্তি তস্মাৎ তে মূর্খদেহিনঃ। পুনরপ্যাহ:—
জিম তিসি তিসিঅণে ধা(যা)বই।
মর সোসেন ভজ্জলু কহি পাবই॥ ইতি।
যথা তৃষ্ণার্ত্তঃ অতিতৃষ্ণয়া অন্ধত্বেন পানীয়ং দৃষ্ট্বা ধাবতি, তদা চক্ষুষা নীহারমাত্রং ন পায়ং তদার্ত্ততয়া সোসেন মৃয়তে। আকাশজলং কুতঃ প্রাপ্যতে ন প্রাপ্যতে ইতি যাবৎ। এবমিব কুন্দুরুযোগে তত্ত্বং ন প্রাপ্যতে মূঢ়লোকৈরেবং তত্ত্বং ক্ব জ্ঞেয়ং [২৭ক] কিং যুক্তির্ব্বা এতদেবাহ—
