কন্ধভূঅআঅতনইদীবিসঅবিআরুঅ পহুঅ।
ণউণউদোহাচ্ছ (চ্ছে)দ্দে(দে) ন কহবি কিপ্পি গোপ্প॥
স্কন্ধধাত্বায়তনেন্দ্রিয়বিষয়বিকল্পবিভ্রমরূপং পশ্যতি, যত্র লক্ষং লক্ষণঞ্চ ন বিদ্যতে, তেষু সর্ব্বথা মরীচিজালবদ্বিশ্বমুদকসংজ্ঞা প্রতীয়তে। উদকভাবঞ্চ নাস্ত্যেব মরীচ্যাভাসসংজ্ঞয়া। মরীচিভ্রান্তিরেব হ্যুদকস্যাভাসঃ প্রতীয়ত ইতি। তস্মান্নবনবান্যান্যদোহাশব্দেন তত্ত্বং দর্শিতং। তস্মিন্ দোহামধ্যে কস্মিন্ দোহেষু কিঞ্চিৎ গুপ্ত[ং] ন কৃতং গুরূপদেশেন বিনাশিতং স্যাদিতি। এতদর্থ[ং] সর্ব্বেষাং পণ্ডিতানাং ক্ষমাপয়তীত্যাহ—
পণ্ডিঅলোঅহু খমহু।
মহু এত্থ ন কিঅই বিঅপ্পু॥
জো গুরুবঅণেঁ মই সুঅউ।
তহি কিং কহমি সুগোপ্পু॥
ইতি পণ্ডিতলোক ঈদৃশং জ্ঞানং গুপ্তাগুপ্তং ময়া কথিতং তথা মম ক্ষমাং করোষি। কুতঃ যতঃ সুগুপ্তস্থানে ন গুপ্তীকৃতং, তথা গুপ্তস্থানেঽপ্রকাশিতং সত্ত্বোপকারচেতসা, তেনেদং বিকল্প ন কার্য্যমেবঞ্চ সম্মতং। মম একাকিনো (মা)ন ভবতি, কুতঃ, যতঃ মমাপি স্বগুরোঃ সকাশাৎ যদ্বচনমীদৃশং শ্রুতং তৎ কিং করোতি সুগুপ্তং প্রকটঞ্চ। এবমুক্তেন কিং দ্যাৎ। ভব্যসত্ত্বেষু ব্যক্তং অভব্যসত্ত্বেষু গুপ্তমিতি। এতদেবাহ—
কমলকুলিশ ব্যবি মজ্ঝঠিউ জো সো সুরঅবিলাস।
কো ত রমই ণ তিহুঅণে কস্ম ণ পূরঅ আস॥ ইতি।
অনেনাত্যন্তাদিকর্ম্মিকাণাং মৃদুযোগিনাং বা রাগাসক্তানাঞ্চ মহারাগক্রীড়ণৈব বুদ্ধত্বোপায় ইতি দর্শিতং ভবতি ভগবতা, তথা—[২৮] ইহ ময়া অবতারিতং কমলকুলিশদ্বয়েষু যৎ সুরতবিলাসং কো বীরপুরুষস্তত্র [ন] রমতে তেন ত্রিভুবনে কস্য ন পূরিত আসঃ। সর্ব্বেষাং তন্ময়ত্বেন তৎস্বভাবতয়া সর্ব্বাসাং মহামুদ্রাসিদ্ধিঃ পূরিতা ভবতি। মহাকরুণায়া আমুখীকরণাদিতি নিয়মঃ। কিন্তু অধিমাত্রেন্দ্রিয়াণাং নেদৃশঃ! কিং তদাহ যদি কমলকুলিশেন তত্ত্বং, তদা আত্মনা সুখমুৎপাদ্য পরস্য সুখানুভবং বিনা গতে ন সর্ব্বত্রিভুবনস্যা[শা] পূরিতা ভবতি। বুদ্ধজ্ঞানমেবেতি। তস্মান্ন তাদৃশং বুদ্ধজ্ঞানৈকক্ষণে অভিসম্বোধিঃ সর্ব্বেষাং সামানকালত্বাৎ সংক্ষেপতঃ।
খনউ বাঅ সুহ অহবা বিণ্ণ বি সোই।
গুরু[পা]অপসাএঁ পুণ্ণ জই বিরলা জানই কোই॥
ক্ষণঞ্চেদং সুখস্য চতুঃক্ষণভেদাৎ। অথবা অভিন্নেপি ক্ষণে তত্ত্বমুপলক্ষয়েৎ। স চ পরমবিরময়োর্মধ্যে অভিন্নমেব। প্রথমারম্ভে বিচিত্রাদিক্ষণে উৎপাদনায়াঽভিন্নে সহজভাবং সৈব গুরুপাদপ্রসাদেন
