ভবনির্ব্বাণয়োরদ্বয়োঃ কেনেদং ন স্যাৎ উক্তন্যায়াদপি। তস্মিন্ ভবং তস্মিন্ নির্ব্বাণং ন ভবতি। কুতঃ, যতঃ আদাবেব বিশ্বস্যোৎপাদং নাস্তি তৎ কিমিতি দৃশ্যতে? বায়াবদিতি ভ্রান্ত্যা প্রতিভাসমাত্রমেবেতি। যথা দর্পণাদিষু প্রতিবিম্ব দৃশ্যতে তদ্বিচারান্নোপলভ্যতে। [তদ্]বিম্বপিণ্ডপরমাণুবন্ধাদিভেদেনাসম্ভবমিতি। কস্মাদ্ ভবনির্ব্বাণয়োরসম্ভবঃ। তথাচোক্তং—
নির্ব্বাণঞ্চৈব লোকঞ্চ মন্যন্তেঽতত্ত্বদর্শিনঃ।
নৈব লোকং ন নির্ব্বাণং মন্যন্তে তত্ত্বদর্শিনঃ॥
নির্ব্বাণঞ্চ ভবশ্চৈব দ্বয়মেব ন বিদ্যতে।
পরিজ্ঞানং ভবস্যৈব নির্ব্বাণমিতি কথ্যতে॥
তস্মাৎ সিদ্ধং পরমাদ্বয়ং বোধিরূপং স চাহ—
ণউ ঘরে ণউ বনে বোহি ঠিউ একু পরিআণউ ভেউ।
নিম্মলচিত্ত সহাবউ করহ অবিক্কল সেউ॥ ইতি।
ই[দ]মু[প]লক্ষণায়া[ং]। ন ঘরে ন(ণ) বনেষু বোধি স্থিতং। এবং ভেদ[ং] পরিজান[া]সি সন্ধ্যাভাষান্তরেঽপি গৃহ শরীরং বনং ঘটপটাদিষু তত্র ন বোধিঃ। কুতঃ সর্ব্বেঃ হ্যসম্ভবাৎ। এবং ভেদং যৎ দৃশ্যতে লোকাদি তৎ সর্ব্বং উৎপন্নবিনাশিনঃ। নেদৃশী বোধিরবিনষ্টত্বাৎ। তেনেহ নির্ম্মলচিত্তস্বভাবতাং কুর্ব্বিতি। যৈর্বিকল্পনা বিকল্পসি সমস্তা সংগতা ত্যজসীতি [৩০ক] বিস্তরঃ। তৈর্বোধিরূপমায়াতি তদাহ—
এহু সো অধ্যা এহু পর জো পরিভাবই কোই।
তে বিণু বন্ধে বন্ধিকিউ অপ্প বিমুক্কউ তোবি॥ ইতি।
ইদমাত্মা ন ই(মি)দং পরঃ যেন কেনচিদ্বিপরিভাবিতং তেন বিনা বন্ধনেন আত্মানং বিটকিতং বিকলীকৃতং, মুক্তোঽপি স্বভাবযাত[ং] তদা নো মুক্তঃ তস্মাৎ স্বপরবিভাগং ন ক্রিয়তে ইতি যাবৎ। তদিহ।
পর অপ্পাণ ম ভত্তি করু সঅল নিরন্তর বুদ্ধ।
এহু সো নিম্মল পরম পউ চিত্ত সহাবেঁ সুদ্ধ। ইতি।
পরঞ্চাত্মানঞ্চ একস্বভাবং ন দ্বয়রূপেণ ভ্রান্তিং কুরু, কিন্তর্হি সকলসত্ত্বধাতুনিরন্তরাদাবেব স্বভাবেন শুদ্ধঃ তদা[দা]বেব পরিভাবনয়াঽন(ণ)ন্তকমলাবৃতা ন বুদ্ধাত্মানং পরিভাবয়ন্তি। এবং দ্বয়রহিতেন বুদ্ধঃ স নির্ম্মলং পরমচিত্তং স্বভাবতো রূপং বোধিচিত্তং স্বভাবরহিত[ত]য়া।
অদ্বঅ চিত্ত ত[রু]রূঅর ফরাউ তিহুঅণেঁ বিত্থা[র]।
করুণা ফুল্লিঅ ফল ধরই ণামে পরউআর॥ ইতি।
