যোগযোগিনী জায়ন্তে তন্ত্রো তস্মাচ্চ লৌকিকম্।
মন্ত্রমূর্ত্তিঃ স্বয়ং সাক্ষাৎ ত্রিচক্রেষু দ্বিপুণ্যকম্॥
একং ত্রিচক্রকং খ্যাতং দ্বিতীয়ং দ্বিগুণিতং মতম্॥
প্রজ্ঞোপায়সমাপত্ত্যা বর্ণ্যতে চ ত্রিচক্রকম্॥
তদ্দ্বিগুণতো জ্ঞেয়ং চক্রং দ্বিগুণং তেন কথ্যতে।
ত্রৈধাতুকমহাস্থানং মণ্ডলচক্রস্বভাবতঃ॥
ইত্যাহ ভগবান্ বজ্রী মহাবীরেশ্বরতথাগতঃ।
সর্ব্ববীরসমাযোগাৎ বজ্রসত্ব পরং সুখম্॥
ধম্মাধম্মু জইঅ থগিও, তাইতু বন্ধসি বোহিমান্।
সিজ্জ সুহাসুহ সেহ হেও, তুটই আবহ গহ নিজারণ॥
ইন্দ্রিয়ং বিষয়ং সর্ব্বং ধাতবো যতনানি চ।
উৎপদ্যন্তে নিরুধ্যন্তে বর্দ্ধন্তে মূঢ়পণ্ডিতঃ॥
মুচ্যন্তে তু পরিজ্ঞানাৎ ভ্রান্তিগন্ধর্ব্বসন্নিভং।
চিত্রমেব স্বয়ং সাক্ষাৎ ত্রৈধাতুকব্যবস্থিতম্॥
অহং পরং দ্বয়াদ্বৈত্যাঃ সম্ভবং গণনায়কং।
ইর্য্যাপথ্যাদি বৈধর্ম্ম্যং সূত্রবিজ্ঞানমধ্যমাং॥
ভাষিতং রুচি সত্বানাং ন সত্যং ন মৃষা যতঃ।
ভুজদ্বাদশতো যুক্তং তথা বক্ত্রচতুষ্টয়ং॥
বর্ণমাকাশনীলন্তু ত্রিনেত্রং তাণ্ডবান্বিতং।
হরগৌরীসমাক্রান্তমন্যলক্ষসহস্রকং॥
যস্য যস্য তু তন্ত্রস্য বাহ্যগুহ্যং চাধ্যাত্মিকং।
যস্য যস্য তু মূর্ত্ত্যা বৈ দেবতা হেরুকাত্মকং॥
অধিমুক্তিবশাদ্ভিন্নং কিন্তু হেরুকমিশ্রিতং।
বর্ণন্তদ্রূপবিজ্ঞেয়া সংস্থানং হেরুকাকৃতিং॥
ভূময়োর্দ্বাদশৈর্হেতু তেন হেরুকসন্নিভং।
ইত্যাহ ভগবান্ স্বামী বজ্রডাকস্তথাগতঃ।
সর্ব্ববীরসমাযোগাৎ বজ্রসত্ব পরং সুখং॥
ইতি শ্রীডাকার্ণব মহাযোগিনীতন্ত্ররাজ্যে জ্ঞানার্ণবাবতারঃ
প্রথম পটলঃ।
