পাতা:বৌদ্ধগান ও দোহা.djvu/২৪০

ডাকার্ণব

১৪৯

ইত্যাহ চ তথাগতঃ কর্ণিকাদ্বাদশৈর্যুতঃ।
বীজাক্ষরচতুর্ব্বিংশ পুল্লীরাদি ভুবি শ্রিতঃ॥
শ্রীহেরুকবজ্রংবারাহী ন ভূতো ন ভবিষ্যতি।
অস্য মন্ত্রস্য সামর্থ্যং প্রোক্তং কোটিসহস্রকে॥
গ্রন্থে অনন্তবীরেষু তথা সারসমুচ্চয়ে।
অন্যতন্ত্রোক্তমন্ত্রঞ্চ ইদং মন্ত্রস্য সাধনে॥
অজপ্তা সংখ্যরক্ষর অরূপ অধ্যানো তথা।
স্মরণাদেব জ্ঞানেন সর্ব্বসিদ্ধি ততোৎপত্তিকং॥
প্রবেশকালে শ্বাসস্য মারয়েৎ সর্ব্বমক্ষরং।
নিকাসকালতো জ্ঞেয়াৎ সৃষ্টিভিঃ সর্ব্বযোগজং॥
স্থিতিকালে তু যোগেন্দ্রঃ নেচ্ছিতং বুদ্ধক্ষেত্রকং।
স্বাসচারে চ জানীয়াদগম্যং বালযোগিনাং॥
অভিষেকং[তু]যে শিষ্যং চতুরৈঃ সহ তত্বভিঃ।
পরিপাচিতো মহাযানে পশ্চান্মন্ত্রং প্রকাশয়েৎ॥
মণ্ডলং বর্ত্তয়েৎ পূর্ব্বং বারাহীমথ হেরুকঃ।
প্রজ্ঞা প্রবেশয়েৎ তত্র বজ্রকন্যামথান্যপাৎ॥
অন্যতন্ত্রাভিষিক্তস্য ন দেশয়েদিদং নয়ং।
অবধূতীমণ্ডলং কুর্য্যাৎ জ্ঞানজ্ঞেয়স্বভাবকং॥
জ্ঞানাকারাশ্চ বারাহী জ্ঞেয়ালিঙ্গ্য শ্রীহেরুকঃ।
ত্রিনেত্রা রৌদ্ররূপিণ্যো চতুর্মুখা দংষ্ট্রোৎকটঃ॥
ভুজৈর্দ্বাদশভিযুক্তাঃ গৌর্য্যাক্রান্তসুভৈরবৈঃ।
পঞ্চমুদ্রাদিগাত্রৈস্তু প্রলয়াগ্নিরিবপ্রভঃ॥
দক্ষিণে বজ্রকর্ত্তিশ্চ পরশু ডমরুস্তথা।
ত্রিশূলানঙ্গচর্ম্মঞ্চ বামপাণৌ তথৈব তু॥
বামে ঘণ্টাকপালশ্চ পাশখট্টাঙ্গমুণ্ডকং।
মুক্তকেশা নগ্নাশ্চ মুণ্ডমালা তু ধারিকা॥
শৃঙ্গারাভরণো যুক্তা শিরঃকপালমালিকা।
মুদ্র্যতে রাগবজ্রেণ অথবা হেরুকেন তু॥
দিব্যগন্ধানুলিপ্তাঙ্গী নৌপূরকেয়ূরান্বিতা।
দিব্যস্রক্‌দামভূষী চ পদ্মচন্দ্রশ্চ বজ্রকং॥
ললাটে তু সদা ধারী প্রত্যালীঢ়পদান্বিতঃ।
জ্বালামালা স্ফুরেৎ কায়া যোগিনৌ নাথমগ্রতঃ॥