হেরুকঃ কৃষ্ণাঞ্জনাভং জটামুকুটীস্যাগ্রতঃ।
ব্যাঘ্রচর্ম্মনিবশন পঞ্চমুদ্রাবিভূষণঃ॥
কপালমালিনো বীরঃ বিশ্ববজ্রার্দ্ধচন্দ্রকং।
ত্রিনেত্রং দংষ্ট্রাকরালং চতুরাস্যং ভয়ানকং॥
ভুজদ্বাদশতো বিদ্যা শতার্দ্ধমুণ্ডভূষণঃ।
যজ্ঞোপবীতভস্মঞ্চ জ্বালামালকরালিনঃ।
যোনিমুদ্রা দ্বিহস্তন্তু শেষং বজ্রবারাহিকা।
যদি হেরুকনায়কস্তদা বারাহ্যা দ্বিহস্তেষু॥
যোনিমুদ্রাভিদীয়ন্তে নঙ্গচর্ম্মপরাবৃতা।
হেরুকস্য দ্বিহস্তেষু দন্তিচর্ম্মস্তু ধারকঃ॥
উপায়প্রজ্ঞাত্মকং যোগং মহাসুখদিব্যমক্ষরং।
দেয়া কর্ণিকে দ্বৌ চ ভবনির্ব্বাণরূপকঃ॥
শেষচক্রস্য যোগিন্য ডাকিন্যাদি যথাক্রমাৎ।
দাতব্যং সর্ব্ববীরাশ্চ খণ্ডকপালাদি মন্ত্রবিৎ॥
একৈকস্যাপি তৎ তন্ত্রং যথাবদনুপূর্ব্বশঃ।
ললনা রসনা নাড়ী প্রজ্ঞোপায়শ্চ মেলকঃ॥
আধারাবধূতী স্যাত্তু সমরসং যত্র তত্রগঃ।
ত্রিচক্রং দ্বিগুণতো * * ডাকিন্যাদি যথাক্রমং॥
হেরুকং বজ্রবারাহ্যা ভুজালক্ষসহস্রকং।
দ্বিভুজাদিমারাদ্য অন্যং যানি তানিচ॥
ইন্দয় বিসজন দিক্খদউ, ন ভ্রঅ নই সত্থান হই।
সভু পপঞ্চুভাঅ গহুঅও, ছড়ই মোহ পম্মত্থ পবিস্স।
ঝটিতাকারযোগাত্মা ঝটিত্যাদিযোগকৃতং।
বীজঞ্চ হৃদি বিন্যস্য স্ফুরণসংহরণাদিকং॥
মণ্ডল সমানীয় পূজাপাপদেশনাদিকং।
শূন্যতাদিমের্ব্বন্তং প্রাকারপঞ্জরাদিকং॥
বজ্রসূত্রঞ্চ ভূভাগং ষট্চক্রস্য তু লেখনং।
সর্ব্বং নানাবিধং কুর্য্যাৎ যথাভিসময়লক্ষণং॥
উপায়িকাঽম্নায়ং সর্ব্বং বর্ণিতামেভিঃ সুন্দরি।
বলিঞ্চ দাপয়েৎ তত্র পূজয়েৎ পঞ্চনাদিকং॥
