পাতা:বৌদ্ধগান ও দোহা.djvu/২৪৩

১৫২

ডাকার্ণব

মণ্ডলে যাশ্চ দেবীনাং অক্ষরবজ্রিকম্মতং।
ডাকিন্যাদ্যন্তমথনী কুলনাড়ী প্রশস্যতে॥
ডাকিনীস্থানমাসাদ্য বারাহী তত্র তিষ্ঠতি।
স্বাভোপায়সুখাদ্বৈত্যাঃ সপ্তত্রিংশতি দেবতাঃ॥
কার্য্যং বহুবিধাম্নায়ং জ্ঞেয়াভিধানযোগতঃ।
সপ্তত্রিংশতিতন্ত্রঞ্চ উৎপদ্যন্তে মহাসুখাৎ॥
অধিকারং ডাকিনী যস্মাৎ তত্তন্ত্রং ডাকিনীকুলং।
পৃচ্ছাম্যহং ত্বয়া স্বামী কথমুৎপদ্যতে মম॥

তোষয়িত্বা তু ভগবন্ ডাকিনীসুখদায়কঃ।
শৃণু ব্রূমি ত্বয়োৎপত্তিরনষ্টসন্ততিঃস্বয়ং॥
ডকারং গুহ্যরন্ধ্রাত্মা কোদণ্ডাকারপ্রাণকং।
শরীররূপকং সম্যক্ বিষয়েন্দ্রিয়রূপকং॥
বোধিচিত্তমহাবিন্দু গুণ ইকারসংজ্ঞকে।
ব্যাপ্নোতি নাড়ীচক্রন্তু গত্যাগতিমহাব্জকে॥
কাক্করকরূপঞ্চৈব প্রভাস্বরানির্ম্ম্যনির্ম্মিতং।
কর্ম্মণা সর্ব্বধাতূনাং শান্তিরূপমহাগতিঃ॥
নারামেষু চ রজ্যন্তে অবাচ্যসহজরঞ্জনং।
নররূপং সদা মায়া বিস্ফুরন্তি মহাসুখাৎ॥
ঈসর্ব্বা চ মহাভূতমীশ্বরাদি তু দর্শনং।
ঈড়পিঙ্গলসুম্না চ উৎপদ্যন্তি তদালয়াৎ॥
ইদং তৎ ডাকিনীনাম কর্ম্মকালে চ লক্ষয়েৎ।
নাগানাং আকর্ষয়েৎ সম্যক্ বর্ষাপণন্তু দ্রাবণং॥
দেবানাং সর্ব্বভূতানাং রাজানাঞ্চ মহর্দ্ধিকাং।
বশ্যাভিচারকং স্তম্ভং মারণোচ্চাটনাদিকং॥
সঞ্চারকালতো জ্ঞেয়া উৎপত্তিঃ স্বস্বদ্বীপতঃ।
প্রজ্ঞোপায়সমাপত্যা শূন্যতাকরুণাত্মনাং॥
যোগেন্দ্র প্লবতে তত্র চিত্তসূক্ষ্মাতিসূক্ষ্মতঃ।
তন্ত্রং তন্ত্রং তু সত্বার্থে কুর্য্যাৎ স্বাধিপযোগতঃ॥
ত্রিসাহস্রে মহাসাহস্রে যত্র সঞ্চরতে প্রভুঃ।
তত্র দ্বাদশখণ্ডেষু যোগিনী স্বস্য নায়কীং॥
লয়ভোগাধিকারেষু সঞ্চরন্তি মহর্দ্ধিকাঃ।
বিজ্ঞেয়া শ্বাসচারে তু দ্ব্যয়ুতং শতষোড়শে॥