পাতা:বৌদ্ধগান ও দোহা.djvu/৫১

৪

চর্য্যাচর্য্যবিনিশ্চয়ঃ

 অতঃ শ্রীসমাজে—

দুষ্করৈর্ন্নিয়মৈস্তীব্রৈর্মূর্ত্তিঃ শুষ্যতি দুঃখিতা।
দুঃখাদ্ধি ক্ষিপ্যতে চিত্তং বিক্ষেপাৎ সিদ্ধিরন্যথা॥ ইতি।

 তথাচ শ্রীহেবজ্রে—

রাগেণ বধ্যতে^[১] লোকো রাগেণৈব বিমুচ্যতে।
বিপরীতভাবনা হ্যেষা ন জ্ঞাতা বুদ্ধতীর্থিকৈঃ॥

 ইতি। এবং মহাসুখাবঘাতেন রহিতত্বেন বুদ্ধতীর্থিকো বহূনি দুঃখান্যনুভূয় উৎপদ্যন্তে ম্রিয়ন্তে চ। ন তে তস্য ভাগিনঃ।

 তথাচাগমঃ—

 তত্ত্বহীনা ন সিদ্ধ্যন্তি কল্পকোটিশতৈরপীতিবচনাৎ। মহারা[গ]নয়চর্য্যাম^[২]প্যাহ—

 শ্রীসমাজে—

পঞ্চ কামান্‌ পরিত্যজ্য তপোভিন্ন চ পীড়য়েৎ।
সুখেন সাধয়েদ্ বোধিং যোগতন্ত্রানুসারতঃ॥

 তথাচ সরহপাদৈঃ—

তনুতরচিত্তাঙ্কুরকো বিষয়রসৈর্যদি ন সিচ্যতে শুদ্ধৈঃ।
গগনব্যাপী ফলদঃ কল্পতরুত্বং কথং লভতে॥

 মহারাগনয়চর্য্যার্থনিষ্যন্দিসাক্ষাৎপ্রমাণান্য^[৩]ন্যেষাং বিত[৪]থজ্ঞানাভিনিবিষ্টানাং আগ্রহখণ্ডনার্থং তৃতীয়পদমাহ।

 এড়িএউ ইত্যাদি। পশ্চা^[৪]চ্ছন্দমোড্ডিয়ানকরণাদিবন্ধম্বিহায় শূন্যতাপক্ষকেতি নৈরাত্মধর্ম্মপাশমিতি সমীপং তদীয়ালিঙ্গনং কুরু। রে সম্বোধনং। ভো মোক্ষশীলাঃ।

 তথাচাগমঃ—

এতানি তানি শিখরাণি সমুন্নতানি
সৎকায়দৃষ্টিবিপুলাচলসংস্থিতানি।
নৈরাত্মবোধকুলিশেন বিদারিতাত্মা
ভেদম্প্রযাতি সহজৈরপি দুঃখশৈলৈঃ॥

1. তে অক্ষরটি কপালটুকী করিয়া উপরে দেওয়া আছে।
2. ম অক্ষরটি নীচে।
3. ন্যটি নীচে।
4. পুথিতে বাঙ্গালা অক্ষরে ষণ্ঠা ছিল; কলাপটুকী করিয়া উপরে নেওয়ারী অক্ষরে পশ্চা লেখা আছে। কেহ পড়িবার সময় শুদ্ধ করিয়া দিয়াছে।