অলো[১] ডোম্বি ইত্যাদি। ভো ডোম্বি নৈরাত্মে ত্বয়া সহ ময়া অভিষ্বঙ্গঃ কর্ত্তব্যঃ। যাদৃশস্বভাবস্তাদৃশো[২]নির্ঘৃণো লজ্জাদিদোষরহিতোঽহম্। তেনাহং সততং নিরন্তর[ং] গৃহীত্বা প্রজ্ঞোপায়াত্মিকাং মহামুদ্রাং সিদ্ধিং লভে।
তথাচ শ্রীহেবজ্রে—
প্রজ্ঞোপায়াত্মকং তন্ত্রং তন্মে নিগদিতং শৃণু।
দ্বিতীয়পদেনাভ্যাসস্থানমাহ—
এক সো ইত্যাদি। পদ্মৈকং নির্ম্মাণচক্রং চতুঃষষ্টিদলযুক্তং তত্র স্থিত্বা ভগবত্যা নৈরাত্ময়া সহ একরসতয়া মহারাগানন্দসুন্দরোহি কৃষ্ণাচার্য্যো নৃত্যতি।
তথাচ শ্রীহেবজ্রে—
নাট্যং কুরু হেরুকরূপেণানুস্মৃতিশ্রুতিযোগতঃ।
তৃতীয়পদেন নৈরাত্মাধিগমং দৃঢ়ীকরোতি। হঞ্চূ লো[৩] ইত্যাদি। ভো নৈরাত্মে সদ্ভাবেন স্বরূপাশয়েন ত্বাং পৃচ্ছাম্যহং সর্ব্বধর্ম্মনৈরা[১৭ক]ত্ময়া কস্য সংবৃত্তিবোধিচিত্ত[ত্তা]নৌকামার্গেণ যাতায়াতং করোষি ন করোষীত্যর্থঃ।[৪] সর্ব্বসহজময়ত্বেনেতি।
তথাচ শ্রীহেবজ্রে—
তস্মাৎ সহজং জগৎ সর্ব্বং সহজং স্বরূপমুচ্যতে।
স্বরূপমেব নির্ব্বাণং বিশুদ্ধাকারচেতসা॥
চতুর্থপদেন নৈরাত্মধর্ম্মস্বরূপমাহ—
তান্তীত্যাদি। তন্ত্রীতি ভগং পদ্মস্থানং অবিদ্যারূপং। চাঙ্গিতমিত্যাদি[৫]। তস্য পল্লবং ষিষয়াভাসং। এতয়োঃ শ্রীগুরুপাদপ্রসাদান্ম(ত্ম)ম বিক্রয়ণং পরিত্যাগং করোষি(সি) ভো ডোম্বি নৈরাত্মে। অতএব নটবৎ সংসারপেটকং ময়া পরিত্যক্তং তবান্তরেণেতি।
পঞ্চমপদেন যোগীন্দ্রস্য সপ্রপঞ্চচর্য্যামাহ—
তুলে[৬]ত্যাদি। ভো ডোম্বি নৈরাত্মে স্বরূপতয়া ত্বাং ভদ্রেণ সদ্গুরুপ্রসাদাৎ জানামি। হউঁ[৭] কাপালিকঃ। চর্য্যাধরশ্চ। কং তব সুখং পালিতুং সমর্থঃ। অতএব তবান্তরেণ ময়া কৃষ্ণাচার্য্যেণ ষট্তথাগতচক্রীকুণ্ডলকণ্ঠিকাদিনিরংশুচর্য্যাং(য়াং) বিধৃত্য বাহ্যমন্ত্রতন্ত্রনিরপেক্ষ্যতয়া পঞ্চব[১৮]র্ণ্ণবিহরণং কৃতং।