বদতি। বালোহ্যজ্ঞোঽস্মিন্ ধর্ম্মে ন (ণ) প্রবিশতি সুদূর এব। অথবা বালবৎ রেখাসন্ধিমাত্রমত্র ন বিদ্যতে।
তথাচ নাগার্জ্জুনপাদাঃ—
সৌশীর্য্যন্তে কায়ে ইত্যাদি।
চতুর্থপদেন স্বরূপোপলম্ভমাহ—
কাজেত্যাদি। সিদ্ধাচার্য্যো হি শান্তিঃ স্বয়ং কার্য্যকারণরহিতত্বাৎ। অনুত্তরপদং বদতি। এষা হি যুক্তিঃ। প্রমাণোপ[৪০ক]পন্না সদ্গুরুপ্রসাদাদনুত্তরপদং স্বয়ং জ্ঞায়তে।
তথাচ দ্বিকল্পে—
আত্মনা জ্ঞায়তে পুণ্যাৎ গুরুপর্ব্বোপসেবয়া। ২৬॥
২৭
রাগ কামোদ
ভুসুকুপাদানাম্। অধরাতি ভর কমল বিকসউ
বতিস জোইণী তসু অঙ্গ উহ্নসিউ॥ ধ্রু॥
চালিউঅ ষষহর মাগে অবধূই
রঅণহু ষহজে কহেই॥ ধ্রু॥
চালিঅ ষষহর গউ ণিবাণেঁ
কমলিনি কমল বহই পণালেঁ॥ ধ্রু॥
বিরমানন্দ বিলক্ষণ সুধ॥
জো এথু বুঝই সো এথু বুধ॥ ধ্রু॥
ভুসুকু ভণই মই বুঝিঅ মেলেঁ
সহজানন্দ মহাসুহ লোলেঁ॥ ধ্রু॥
তমেবার্থং সহজানন্দরসপূর্ণো হি ভুসুকুসিদ্ধাচার্য্যঃ প্রতিপাদয়তি—
অধরাতীত্যাদি। তত্র সেকপটলোক্তবিধানাৎ অর্দ্ধরাত্রৌ চতুর্থীসন্ধ্যায়াং প্রজ্ঞাজ্ঞানাভিষেকদানসময়ে বজ্রসূর্য্যরশ্মিনা কমলং উষ্ণীষকমলং বিকসিতং মম। তস্মিন্ সময়ে দ্বাত্রিং[৪১][শ]দ্ যোগিনীতি দ্বাত্রিংশন্নাড়িকা বোধিচিত্তবহা ললনারসনাবধূতী। অভেদ্যা[ঃ] সূক্ষ্মরূপাদিকা বোদ্ধব্যা[ঃ]। তত্র স্থানে স্রবন্তি। তাসাং আনন্দাদিসন্দোহেনাঙ্গোহ্নাসোভূৎ (সংভূৎ)।
ধ্রুবপদেন সদ্গুরুপ্রভাবমাহ—
তস্মিন্ কালে তেন হেতুনা সসহরবোধিচিত্তচন্দ্রঃ। অবধূতীমার্গেণ বজ্রশিখরং গতঃ। সদ্গুরুবচনতত্ত্বরত্নপ্রভাবাৎ স ময়ি সহজানন্দং কথয়তি।
