কাহেরে কিষভণি মই দিবি পিরিচ্ছা
উদক চান্দ জিম সাচ ন মিচ্ছা॥ ধ্রু॥
লুই ভণই ভাইব কীষ্
জালই অচ্ছমতা হের উহ ণ দিস্॥ ধ্রু॥
জ্ঞানানন্দসুন্দরো হি লূইপাদস্তমেবার্থং বিশেষয়তি—
ভাব ণ হোই ইত্যাদি। ভাবস্তাবৎ তত্ত্বন্ন ভবতি। যস্মাৎ পিণ্ডগ্রহাণুভেদে বিচারেণ ভাবস্যোপলম্ভো ন বিদ্যতে। কিমভাবশ্রুতির্ভবতি। অভাবোঽপি ন ভবতি অসদ্রূপত্বাৎ। ঈদৃক্ সম্বোধনে কোপি সত্ত্বঃ তত্ত্বং প্রতীতিকরোতি।
ধ্রুবপদেন ভাবস্বরূপদৌর্লভ্যং প্রতিপাদয়তি—
লূই ভণই ইত্যাদি। লূয়ীপাদঃ সিদ্ধাচার্য্যো হি বদতি। অতএব দুর্লক্ষং তত্ত্বং বালযোগিনা লক্ষয়িতুন্ন পার্য্যতে। যস্মাৎ ত্রৈধাতুকং কায়বাক্চিত্তে বিলসতি ক্রীড়তি। তস্য সন্তানদীর্ঘহ্রস্বপরিমণ্ডলাদিকং। ন ঊহে ন জানামি। [৪৪ক] কুত্র নিয়তং বসতীতি।
দ্বিতীয়পদেন উক্তার্থং স্পষ্টয়তি—
জাহের ইত্যাদি। যস্য তত্ত্বস্য বর্ণচিহ্নরূপং নাবগম্যতে সোপি কথং নানাকাব্যে[১] বিনয় আগমশাস্ত্রে বেদে ব্যাখ্যায়তে চ।
তথাচ নাগার্জ্জুনপাদাঃ।
ন রক্তপীতমাঞ্জীষ্ঠো[২] বর্ণস্তেনোপলভ্যত ইত্যাদি।
তৃতীয়পদেন তত্ত্বস্বরূপমাহ—
কাহেরে ইত্যাদি। কস্য কিমুক্ত্বা পৃথক্জনায় ময়া সিদ্ধান্তঃ প্রদাতব্যঃ। যথোদকচন্দ্র[ঃ] ন সত্যং ন মৃষা ভবতি তদ্বদ্যোগীন্দ্রস্য ভাবগ্রামপ্রতিভাসঃ স কিমর্থো বক্তুং যুজ্যতে। অর্থঃ তত্র প্রতীতিং করোতি। অবচনত্বাৎ।
চতুর্থপদেন চিত্তস্বরূপমাহ—
লূই ভণই ইত্যাদি। বদতি লূয়ীপাদঃ ময়া ভাব্যভাবকভাবনা অভাবেন কিং ভাব্যং। অতএব যশ্চতুর্থরূপং গৃহীত্বা তিষ্ঠামি তস্যাপি গুরুবচনবিচারে তস্যোদ্দেশং ন ঊহে। ন পশ্যামি।
তথাচ। চিত্তং নিশ্চি[৪৫]ত্য বোধেন অভ্যাসং কুরুতে যদা।
তথাচ। তদাতদা চিত্তং ন পশ্যামি ক্ব গতং ক্ব স্থিতং ভবেৎ॥২৯॥
