অস্থিপঞ্চরতো মাংসং প্রজ্ঞাশস্ত্রেণ মোচয়(য়েৎ)।
অস্থীন্যপি পৃথক্কৃত্বা পশ্য মজ্জানমন্ত(ত)তঃ।
কিমত্র সারমস্তীতি স্বয়মেব বিচারয়।
লালামূত্রপুরীষবাষ্পরুধিরস্বেদান্ত্রমেদোবসা(সাঃ)-
পূর্ণঃ কায়কলে সদা ব্রণমুখে প্রস্যন্দতে চাশুচি।
তস্মাৎ ন বিজ্ঞানস্য স্থানমস্তি বাসনামাত্রমেবেতি। তচ্চাবিদ্যাবশাজ্জায়তে। তে সর্ব্বে দোষাঃ সম্ভবন্তি। তথাচোক্তং। সত্যাত্মনি পরসংজ্ঞা স্বপরবিভাগাৎ পরিগ্রহদ্বেষৌ।
অনয়োঃ সংপ্রতিবদ্ধাঃ সর্ব্বে দোষাঃ প্রজায়ন্ত ইতি॥
তস্মাৎ প্র[৫]সিদ্ধং প্রতীত্যসমুৎপাদলক্ষণমিতি। যদি বা অবলম্বয়তে কিঞ্চিৎ দৈবতাত্মশরীরং তন্ন ভবতি। কুতঃ, যদীশ্বরং নাস্তি তয়া রহিতং কিমন্যত্রৈব তাং সাধয়তি। তন্ন যতিবচনাৎ। তস্মাৎ ন ভবতি। অথ যুগপদনুভবং সাধ্যতে। তদপি ন ভবতি। পূর্ব্বেঽনুমানস্য সত্তা নিষিদ্ধা। যদি বা ধুননকম্পনাদ্যাবেশং কুরুতে। তদা কুহিকারসত্যসাক্ষাৎ অনুভবেয়ুঃ। নিরুপলম্ভত্বাৎ। তদপি প্রত্যাত্মবেদকে ন ভবতি। এতদেবাহ।
প্রত্যাত্মবেদতা তস্য কীদৃশী নাম কথ্যতাং।
প্রত্যাত্মবেদ্যং বদতাং বস্তুত্বং তস্য চেপ্সিতং॥
ইদং তদিতি বস্তুত্ব[ং] তদশক্যমিতি চোচ্যতে।
স নিশ্চয়বদন্যেষাং নিশ্চয়োৎপাদনায় তু।
সাধবস্তু প্রবর্ত্তন্তে নিত্যমব্যভিচারিণঃ॥
বেদক[স্য]চ(শ্চ) যদ্বেদ্যং বেদ্যাভাবে ন বেদকঃ।
বেদ্য(দ)বেদকয়োরেবং অভাবঃ কিমু নেষ্যতে। ইতি।
তস্মাৎ প্রতীত্যসমুৎপাদমেবেতি ঈশ্বরাশ্রিত[ঃ] নিরস্তঃ॥ ৹॥
ইদানীং ক্ষপণকানামুচ্যতে।
তত্র দীহণক্খ ইত্যাদি ভাবপর কেবল সাহ ইতি পর্য্যন্তেন।
এবং দীক্ষণখজ্জে মলিনে বেসেমিতি।
অর্হন্তাশ্রিত[া] এবামী দেহিনঃ সর্ব্বলোকাঃ কপটকুহানালোভেন ভক্ষিতাঃ। মলিনবেশধারিণঃ স্বয়ং তত্ত্বমজানানাশ্চ পুনরপি স্বশরীরে(রেঃ) দুঃখদায়কাঃ। তমাহ—
ণ গ্গল হোইঅ উপাট্টিঅ কেসেমিতি।
নগ্নেন প্রাপ্তং কেশানামুৎপাটনেন কর্ম্মণা ন পরমার্থঃ কশ্চিৎ এবমুক্তেন কিং স্যাৎ॥
খবনেহি জানবিড়ম্বিয় বেসে ইতি।
