তথা চ শ্রীহেবজ্রে—
অভব্যং ডিণ্ডিমং প্রোক্তং ভব্যং কালিঞ্জরম্ম[হৎ]।
পদান্তরেণ যোগিন্যানুশংসামাহ (অনুসসমাহ)—
খেপেত্যাদি। ক্ষেপাৎ স্বস্থানযোগাৎ সা বোধিচিত্তরূপা নৈরাত্মযোগিনী বিলক্ষণশোধিতাঽনন্দেন মণিমূলেন মোহমলাবলিপ্তা ভবতীতি। পুনস্তস্মিন্ ক্রীড়ারসমনুভূয় মণিমূলাদূর্দ্ধং গত্বা গত্বা মহাসুখচক্রে অন্তর্ভবতীতি। অতঃ কৃষ্ণাচার্য্যপাদৈরভিহিতং
এহু সো গিরিবর কহিঅ মই এহু সে মহাসুহ ঠাব।
এক্কু রঅণি মহু সহজ খণ্ড লব্ভই মহাসুহ জাব॥
তৃতীয়পদেন পরিশুদ্ধিমাহ—
সাসু ইত্যাদি। প্রথমং তাবৎ যোগীন্দ্রেণ দেবতাযোগপূর্ব্বকং কায়বজ্র[ং] দৃঢ়ীকৃত্য বজ্রজাপোপদেশেন চন্দ্রসূর্য্যয়োঃ পক্ষগ্রহং খণ্ডয়িত্বা বাগ্বজ্রং স্থিরীকৃত্য চিত্তবজ্রদৃঢ়ীকরণায় সা বির[৯]মানন্দাবধূতিকা সহজানন্দৈকলোলীভাবং ন শ্বাসমাগারং সুমেরুশিখরং নীত্বা। কুঞ্চিকেতি। তালসম্পুটীকরণে মণিমূলদ্বারনিরোধং কর্ত্তব্যমাত্মানং সংবোধ্য স্বয়মেব বদত্যনুপূর্ব্বিকাং।
তথাচ কৃষ্ণাচার্য্যপাদাঃ—
বজ্রোপমসমাধিসাক্ষাৎকারণেন সিদ্ধাচার্য্যো হি গুড্ডরী[৩] স্বয়মেব অনুশংসামাহ—
ভণ ইত্যাদি। অন্যেষাং সম্প্রদায়বহির্মুখযোগিনীযোগিনাং মধ্যে কুন্দুরেণ। দ্বীন্দ্রিয়সমাপত্তি(ত্তিং)যোগাক্ষরসুখেন ক্লেশারিমর্দ্দনাদ্বীরোঽহম্। পুনরপি তেষাং মধ্যে। চীরমিতি। যোগীন্দ্রচিহ্নমষ্টগুণৈশ্বর্য্যাদি ময়োদ্ধৃতমভিজ্ঞাসন্দর্শনার্থং। ৪।
