পাতা:Vanga Sahitya Parichaya Part 1.djvu/১৯৩

বৌদ্ধযুগ—মাণিকচন্দ্র রাজার গান—স্থঃ ১১শ-১২শ শতাব্দী। 업 এই কথা শুনিয়া নটী না থাকিল রৈয়া। বন্দরর (১) সাউদ (২) মহাজনক আনিল ডাকিয়া। দোয়াত থত কলম যোগাইল আনিয়া। বার কড়া কড়ি নটী আনিল গণিয়া ৷ লেখ লেখ বলিয়া হাড়ি হুকুম ভাল দিল। সন তারিখ শ্রী কাগজত লিখিল ৷ হীরা নটী নামটা কাগজত লিখিল। ঐ বার কড়া কড়ি কাগজত লিখিল ৷ ধর্ম্মর নামটা কাগজত লিখিল। ঐ কলম ফেলাইয়া দিল হাড়ির বরাবর। যেন মতে হাড়ি সিদ্ধা হস্তত কলম পাইল। রাম রাম করিয়া দস্তখত করিয়া দিল। বার কড়া কড়ি গণিয়া হাড়ির হস্তত দিল। ঐ দিন হইতে ধর্ম্মী রাজা বন্ধন পড়িল। ঐ খত তুলিয়া নটীর হস্তত দিল। কাম ক্রোধ মণি (৩) ভিড়িয়া বান্ধিল ৷ না রাষ্ট্ৰী না পুরুষ রাজাক করিল। (৪) যেন মতে হীরা নটী বেন মুখ (৫) হইল। ঐ বার কড়া কড়ি মৃত্তিকায় গাড়িল ৷ যেন মতে ধর্ম্মী রাজা বেনা মুখ হইল। সোণালো কুমড়া হইয়ে পাতাল ভেজিল। চোঁদ তাল জলর ভিতর যোগ আসন পূৰিল। বার বৎসর থাকিল হাড়ি ধ্যান ধরিয়া। যেন মতে ধর্ম্মী রাজা ফিরিয়া দেখিল। গুরুক না দেখিয়া রাজা কান্দিবার লাগিল। নটী বলে রাজার বেটা কান্দ কি কারণ। - তোমার বাদে তপ করি এ বার বৎসর। কোনটি গেল বান্দী আগেয়া পাণ খাব। ধন্ত্রী রাজাক আন সিনান করাইয়া। যেটে (৬) যে শোভা পায় আন রাজাক পরাইয়া॥ — - (১) বন্দরর = বাণিজ্য-স্থানের = প্রধান বাজারের। (২) সাধু। (৩) মুনি =হাড়ি-গুরু। (৪) রাজাকে স্ত্রী এবং পুরুষ চিহ্ন রহিত করিল। (৫) বিষঃ মুখ। (৬) যে স্থানে।