বীরবাণী (১৯০৫)/অম্বা-স্তোত্রম্
অম্বা-স্তোত্রম্।
কা ত্বং শুভে শিবকরে সুখদুঃখহস্তে
আঘূর্ণিতং ভবজলং প্রবলোর্ম্মিভঙ্গৈঃ।
শান্তিং বিধাতুমিহ কিং বহুধা বিভগ্নাম্
মাতঃ প্রযত্নপরমাসি সদৈব বিশ্বে॥
সম্পাদয়ন্নবিরতং অবিরামবৃত্তা
যা বৈ স্থিতা কৃতফলং অকৃতস্য নেত্রী।
সা মে ভবত্বনুদিনং বরদা ভবানী
জানাম্যহং ধ্রুবমিদং ধৃতকর্ম্মপাশা॥
কো বা ধর্ম্মঃ কিমকৃতং ক্ক কাপাললেখঃ
কিম্বাদৃষ্টং ফলমিহাস্তি হি যদ্বিনা ভোঃ।
ইচ্ছাপাশৈর্নিয়মিতা নিয়মাঃ স্বতন্ত্রৈঃ
যস্যা নেত্রী ভবতু সা শরণং মমাদ্যা॥
সন্তানয়ন্তি জলধিং জনিমৃত্যুজালং
সম্ভাবয়ন্ত্যবিকৃতং বিকৃতং বিভগ্নম্।
যস্যা বিভূতয় ইহামিতশক্তিপালাঃ
নাশ্রিত্য তাং বদ কুতঃ শরণং ব্রজামঃ॥
মিত্রে শত্রৌ অবিষমং তব পদ্মনেত্রম্
স্বস্থে দুঃস্থে ত্ববিতথং তব হস্তপাতঃ।
মৃত্যুচ্ছায়া তব দয়া অমৃতঞ্চ মাতঃ
মা মাং মুঞ্চন্তু পরমে শুভদৃষ্টয়ন্তে॥
কাম্বা সর্ব্বা ক্ক গৃণনং মম হীনবুদ্ধেঃ
ধর্ত্তুং দোর্ভ্যামিব রতির্জগদেকধাত্রীম্।
শ্রীসঞ্চিন্ত্যং সুচরণং অভয়প্রতিষ্ঠম্
সেবাসারৈরভিনুতং শরণং প্রপদ্যে॥
বা মামাজন্ম বিনয়ত্যতিদুঃখমার্গৈঃ
আসংসিদ্ধেঃ স্বকলিতৈলর্লিতৈবিলাসৈঃ
যা মে বুদ্ধিং, সুবিদধে সততং ধরণ্যাং
সাম্বা সর্ব্বা মম গতিঃ সফলেঽফলে বা॥